Probak

FROGAK - NAFARROA OINEZ 2018 ALTSASU

1.FROGA - OREKA PROBA

DESKRIBAPENA

Proba honetan zuen oreka frogatuko dugu. Horretarako, balantza bat orekan jarri beharko duzue alde batean lau partaide, eta bestean, lau ikusle jarriko direlarik.

Balantzara igoko diren ikasleak epaileak momentuan bertan aukeratuko ditu, inolako irizpiderik jarraitu gabe. Kontuan izan lau ikusleetatik bik epaileak esandako ezaugarriak bete beharko dituztela, eta beste biak, aldiz, libreki hautatuko direla. Bilatu beharreko pertsonak hautatzeko irizpideei dagokionez, adin-tartea edo ezaugarri fisikoak izan daitezke.

Oreka lortzea helburua izanik, ikusleak helburua lortu arte alda daitezke, baina ezinbesteko baldintza izango da aldaketa horiek proba-eremutik kanpo egitea.

Proba bi txanpatan burutuko da. Hau da, 6 taldeko 2 txanpatan. Txanpa bakoitzak, gehienez, 10 minutuko iraupena izango du. Beraz, 10 minutuak igaro aurretik helburua lortzen bada, froga bukatutzat joko da.

Helburua betetzeko, balantzak duen gezia oreka-eremuaren barruan 10 segundoz mantendu beharko da, eta epaileak hori neurtzerakoan, proba ontzat emango du.

Balantzaren atzeko aldean eserita dagoen partaideak epaileari adierazi behar dio noiz jarri kronoa martxan. Momentu horretatik aurrera 10 segundoz jarraian oreka mantendu beharko da, eta gorputzaren inolako atalek ezin izango du lurra ukitu, eta ukituz gero, kronoa berriz zerotik jarriko da martxan.

Hamar minutu horien barruan nahi adina saiakera egin daitezke.

 

 

PUNTUAKETA ETA ARAUDIA

  • Proba aurkezleak hasiera ematerakoan hasiko da. Orduan epaileek aukeratuko dituzte balantzan egongo diren lau ikasleak eta oreka lortzeko behar diren ikusleen ezaugarriak azalduko dituzte.
  • Probaren amaiera taldeak helburua lortzerakoan edo 10 minutu pasatzerakoan iritsiko da.
  • Proba ontzat emateko 10 segundoz mantendu beharko da oreka, alegia, balantzak duen gezia oreka-eremuan 10 segundoz mantendu beharko da. Orekarako denboran beste taldekide guztiak probaren eremutik kanpo egon beharko dira.
  • Proba-eremu barruan talde bakoitzak hautatutako lau pertsona horiek soilik egon daitezke. Aldaketa eremutik kanpo egin beharko da, beraz. Baldintza hori bete ezean, epaileak falta bat markatuko du.
  • Balantzaren atzeko aldean eserita dagoen partaideak epaileari adierazi beharko dio noiz jarri kronoa martxan.
  • Kronoa martxan dagoen momentutik aurrera gorputzaren inolako atalek ezin izango du lurra ukitu.
  • Sailkapena oreka lortzeko denboren araberakoa izango da: denbora laburrenean egiten duenak puntuazio altuena lortuko du , eta honela hurrenez hurren.
  • Talde batek ez badu proba denbora barruan bukatzea lortzen, ez du punturik jasoko.
ARAUA       PENALIZAZIOA      
Lau ikusle baino gehiago eremu barruan Ezingo dira igo balantzan eremu barruan bakarrik 4 geratu arte. Epailearen abisua: Falta 1
3 falta Deskalifikazioa  
Oreka denboran lurra ukituz gero Kronoa gelditu. Berriro hastea
Ikusleen betebeharreko ezaugarriak ez bete Kronoa ez da martxan jarriko
Epaileak esandakoari kasurik ez Falta 1
Epaileari errespetu falta Deskalifikazioa

ERRONKA JOKU GARBIA!

  • ERRONKA AISIA DA. Ongi pasatzeko parte hartzen dut Erronkan, nire aisialdiaren parte da eta irabaztea ez da garrantzitsuena: lehian arituko naiz baina azken helburua ongi pasatzea eta pertsona gisa haztea da.
  • DENAK GARA GARRANTZITSUAK. Erronkan ari garenean, pertsona guztiak gara besteak bezain garrantzitsuak: nire taldeko kideak, gainerako taldeak, gure kapitainak, epailea eta gainerakoak: horiek guztiak ez baleude, ez nuke parte hartzeko aukerarik izanen, eta beraz, denak dira nire lagunak.
  • ARAUAK BETE EGIN BEHAR DIRA. Araudia ezagutu eta bete egin behar da, errespetatu egin behar dut jokoaz gozatzeko, tranparik egin gabe: den-denok bete behar dugu araudia.
  • KAPITAINAK ERRESPETATU BEHAR DITUT. Nire kapitainak errespetatu behar ditut, niregatik kezkatzen direlako eta niretzat onena nahi dutelako.
  • BESTE TALDEKIDEAK ERRESPETATU BEHAR DITUT. Beste taldekideak errespetatu behar ditut eta ni tratatzea gustatuko litzaidakeen moduan tratatu: errespetuz.
  • EPAILEAREN IRUDIA ERRESPETATU BEHAR DUT. Epailearen irudia errespetatu behar dut: epailerik gabe ezingo genuke Erronka burutu, eta bera arduratzen da joko garbia egiteaz eta araudia betetzeaz.
  • ANIMOAK EMAN DITZAKET, INOIZ EZ IRAINDU. Ez da gauza bera animoak ematea eta irainak jaurtitzea: oso ongi dago nire taldeari animoak ematea, baina ez ditut iraindu behar beste taldeak, ez epaile lanetan ari den pertsona ere.
  • NIRE FAMILIAK EREDU IZAN BEHAR DU. Nire familiak kiroltasunezko jarrera eta jokabidea erakutsi behar du: niri animoak ematea nahi dut, baina gainerako erronkari, kapitain eta epaileei begirunea agertzea ere bai.
  • GALTZEN BAI, BAINA BAITA IRABAZTEN ERE JAKIN BEHAR DUT. Irabazten eta galtzen jakin behar da, talde irabazleei zorionak emanez eta isekarik ez eginez nire taldeak irabazten badu.
  • NIRE GOIBURUA “JOKO GARBIA” DA. Erronkan oso garrantzitsua da errespetua, ahalegina eta tolerantzia: gure goiburuak “garbi jokatzea” izan behar du.

 

2.FROGA - ORIENTAZIO ETA GINKANA

DESKRIBAPENA

Proba honetan taldeek orientazioa landuko dute. Horretarako, mapen bitartez partaideek 3 posta topatu beharko dituzte eta bakoitzean agertzen den azpiproba gauzatu. 12 taldeek aldi berean hartuko dute parte, bakoitzak bere erreferentziazko espazioa izango duelarik.

Probari hasiera emateko epaile bakoitzak lehen mapa banatuko dio bere taldeari eta mapa horretan lehen postaren kokapena adieraziko da. Parte hartzaile guztiak mapa hartuta posta bilatzera joan beharko dira; posta topatzean, hau hartu eta hasierako puntura eraman beharko dute, maparekin batera. Hasierako puntuan bi dokumentuak epaileari emango dizkiete eta honek, taldeko partaide guztiak daudela zenbatzerakoan, azpiprobari hasiera emango dio.

Lehenengo azpiproba burutu ondoren, epaileak bigarren mapa emango dio taldeari, bertan bigarren posta non dagoen adieraziko delarik. Partaideek lehen azpiproban bezalaxe posta bilatu beharko dute eta maparekin batera haserako puntura eraman, bigarren azpiproba burutu ahal izateko. Prozesu hau errepikatuko da hiru probak lortu arte edota denbora bete arte.

Azpiprobak hurrengoak izango dira:

  1. Akrosporta.
  2. Soka salto erraldoia.
  3. Arropa azoka.

* Proba azaltzen den bideoan laugarren azpiproba bat egongo dela esaten da, tangramarena. Baina denbora muga dela eta kendu behar izan dugu.

 

 

ARAUDIA

  • Proba osoa hiru azpiprobaz osatua egongo da.
  • Talde bakoitzak bere erreferentziazko eremuan hasiko du froga.
  • Azpiprobak erreferentziazko eremuan burutuko dira.
  • Azpiproba egiten hasteko, epaileari mapa eta posta eman beharko zaio.
  • Epaileak talde osoa bere eremuan dagoela ziurtatzerakoan emango du azpiproba egiten hasteko seinalea.
  • Postak banan - banan aurkitu behar dira.
  • Azpiproba bat bukatu eta epaileak hurrengoaren mapa eman arte, taldekideak euren eremuan egon beharko dira.
  • Epaileak taldekideei hurrengo posta aurkitzeko mapa emango die.
  • Azpiproba ongi egitean.
  • Azpiproba bakoitzean zehazten den saiakera kopurua edo eta denbora betetzen denean.
  • Talde bakoitzak bere kamisetaren kolorea eta zenbakia duten postak hartu ditzake soilik, hauek baitira beraiei dagozkienak.Talderen batek beste baten posta bat hartuz gero proba honen puntuazioa 0 izango da.
  • Epaileek erabakiko dute probak ontzat ematen diren edo ez.
  • Mapa ematen denetik 10 minutu egongo dira azpiproba bakoitza egiteko.

PUNTUAKETA

Proba honetan ez duzue beste taldeen kontra lehiatuko, talde bakoitzak bere buruaren kontra baizik.

Puntuaketarako taula bat egongo da eta azpiproba bakoitza ondo burutzerakoan markatzen duzuen denborak puntuaketa bat emango dizue. Denbora gutxiago, puntu gehiago.

Posible da beraz, azpifroga bakoitzean talde batek baino gehiagok puntuaketa berbera jasotzea.

Bigarren proban beraz, gainontzeko taldeek egiten dutena alde batera utzi eta zuen lanean zentratu beharko zarete.

Animo eta gozatzera!!!

ERRONKA JOKU GARBIA!

  • ERRONKA AISIA DA. Ongi pasatzeko parte hartzen dut Erronkan, nire aisialdiaren parte da eta irabaztea ez da garrantzitsuena: lehian arituko naiz baina azken helburua ongi pasatzea eta pertsona gisa haztea da.
  • DENAK GARA GARRANTZITSUAK. Erronkan ari garenean, pertsona guztiak gara besteak bezain garrantzitsuak: nire taldeko kideak, gainerako taldeak, gure kapitainak, epailea eta gainerakoak: horiek guztiak ez baleude, ez nuke parte hartzeko aukerarik izanen, eta beraz, denak dira nire lagunak.
  • ARAUAK BETE EGIN BEHAR DIRA. Araudia ezagutu eta bete egin behar da, errespetatu egin behar dut jokoaz gozatzeko, tranparik egin gabe: den-denok bete behar dugu araudia.
  • KAPITAINAK ERRESPETATU BEHAR DITUT. Nire kapitainak errespetatu behar ditut, niregatik kezkatzen direlako eta niretzat onena nahi dutelako.
  • BESTE TALDEKIDEAK ERRESPETATU BEHAR DITUT. Beste taldekideak errespetatu behar ditut eta ni tratatzea gustatuko litzaidakeen moduan tratatu: errespetuz.
  • EPAILEAREN IRUDIA ERRESPETATU BEHAR DUT. Epailearen irudia errespetatu behar dut: epailerik gabe ezingo genuke Erronka burutu, eta bera arduratzen da joko garbia egiteaz eta araudia betetzeaz.
  • ANIMOAK EMAN DITZAKET, INOIZ EZ IRAINDU. Ez da gauza bera animoak ematea eta irainak jaurtitzea: oso ongi dago nire taldeari animoak ematea, baina ez ditut iraindu behar beste taldeak, ez epaile lanetan ari den pertsona ere.
  • NIRE FAMILIAK EREDU IZAN BEHAR DU. Nire familiak kiroltasunezko jarrera eta jokabidea erakutsi behar du: niri animoak ematea nahi dut, baina gainerako erronkari, kapitain eta epaileei begirunea agertzea ere bai.
  • GALTZEN BAI, BAINA BAITA IRABAZTEN ERE JAKIN BEHAR DUT. Irabazten eta galtzen jakin behar da, talde irabazleei zorionak emanez eta isekarik ez eginez nire taldeak irabazten badu.
  • NIRE GOIBURUA “JOKO GARBIA” DA. Erronkan oso garrantzitsua da errespetua, ahalegina eta tolerantzia: gure goiburuak “garbi jokatzea” izan behar du.

 

3.FROGA - BARAZKI KANIBALA

DESKRIBAPENA

Proba honetara gosez etorri beharko duzue.

Proba 6 taldeko bi txanpatan burutuko da. Txanpa bakoitzak 10 minutuko iraupena izango du. Talde bakoitza 4 partaidetako taldetxotan banatu beharko da. Denak lotuta joango dira, eta erdikoak, gainera, begiak itxita. Ezin da gehiago eskatu!!!!

Helburua zintzilikatuta dauden barazki sortetatik ahoarekin zatiak hartu eta ontzi batera botata ahalik eta pisurik handiena lortzean datza.

Baina ez da hain erraza. Esan bezala, lauko taldetxotan joango zarete, elkarren artean lotuta eta erdiko biek begiak estalita. Epaileek hasiera ematen dutenean 6 taldetxoak aldi berean aterako dira, eta bidea egiteko bakoitzak bere espazioa izango du. Barazki sortaraino iritsi eta iskinetakoek ahoarekin zintzilikatutako barazkiei hozka egingo diete eta, zati bat hartzen dutenean, ahoz aho erdikoei pasako diete, ondoren, saskia dagoen tokiraino abiatu eta horren barruan botako beharko duzue. Gogoratu debekatuta dagoela barazkiak eskuekin ukitzea.

Barazki zatiak saskira bota ondoren, zuen ikastolako beste 4 partaideek hartuko dute errelebua, aurreko taldetxoak egin duen gauza bera egiteko —epaileak irteteko seinalea egin ondoren betiere—. Bitartean, lehenengo taldetxoa hasierako tokira joango da erretiratzeko kaletik. 10 minutuak bete arte taldetxoak erreleboak egiten arituko dira ahalik eta pisurik handiena lortzen saiatuz.

Denbora bukatutakoan, epaileek ikastola bakoitzak lortutako pisua pisatuko dute. Datu hori sekretua izango da proba guztien amaierara arte.

 

 

Animo eta gozatzera!!!

ARAUDIA

  • Txanpa bakoitzean 6 ikastolek hartuko dute parte.
  • Erreleboka, talde bakoitzak lauko azpitaldetan burutuko du froga.
  • Txanpa bakoitzak 10 minutuko iraupena izango du.
  • Ibilbidea: irteeratik 10 metrora egongo da barazki sorta eta, handik 5 metrotara, saskia.
  • Saskiak kolorearen arabera bereiziko ditugu: talde bakoitzak bere saskia izanen du.
  • Lauko azpi taldeak eskutik lotuta eta erdiko biak begiak estalita parte hartuko dute. Talderen bat askatuko balitz, hasierako puntura joan eta zero pisuarekin berriro hasi beharko luke proba. Begiak estaliak dituztenak ikusten dutela konturatzen bada epailea, berdin gertatuko da.
  • Ezin dira barazkiak eskuekin ukitu. Hori gertatuz gero, zati hori deuseztatuko da.
  • Saski barruan dauden barazki zatiak besterik ez dira pisatuko.
  • Saski osoa lurrera eroriz gero, ez da pisatuko erori dena.
  • Pisua jasotzerakoan berdinketa egonez gero, puntuen banaketa egingo da.
  • Epaileek dute azken hitza proba ontzat emateko.

PUNTUAKETA

Pisu gehien lortzen duen taldeak 48 puntu lortuko ditu, hurrengoak 44 puntu eta abar.

  1. 48 puntu
  2. 44 puntu
  3. 40 puntu
  4. 36 puntu
  5. 32 puntu
  6. 28 puntu
  7. 24 puntu
  8. 20 puntu
  9. 16 puntu
  10. 12 puntu
  11. 8 puntu
  12. 4 puntu

ERRONKA JOKU GARBIA!

  • ERRONKA AISIA DA. Ongi pasatzeko parte hartzen dut Erronkan, nire aisialdiaren parte da eta irabaztea ez da garrantzitsuena: lehian arituko naiz baina azken helburua ongi pasatzea eta pertsona gisa haztea da.
  • DENAK GARA GARRANTZITSUAK. Erronkan ari garenean, pertsona guztiak gara besteak bezain garrantzitsuak: nire taldeko kideak, gainerako taldeak, gure kapitainak, epailea eta gainerakoak: horiek guztiak ez baleude, ez nuke parte hartzeko aukerarik izanen, eta beraz, denak dira nire lagunak.
  • ARAUAK BETE EGIN BEHAR DIRA. Araudia ezagutu eta bete egin behar da, errespetatu egin behar dut jokoaz gozatzeko, tranparik egin gabe: den-denok bete behar dugu araudia.
  • KAPITAINAK ERRESPETATU BEHAR DITUT. Nire kapitainak errespetatu behar ditut, niregatik kezkatzen direlako eta niretzat onena nahi dutelako.
  • BESTE TALDEKIDEAK ERRESPETATU BEHAR DITUT. Beste taldekideak errespetatu behar ditut eta ni tratatzea gustatuko litzaidakeen moduan tratatu: errespetuz.
  • EPAILEAREN IRUDIA ERRESPETATU BEHAR DUT. Epailearen irudia errespetatu behar dut: epailerik gabe ezingo genuke Erronka burutu, eta bera arduratzen da joko garbia egiteaz eta araudia betetzeaz.
  • ANIMOAK EMAN DITZAKET, INOIZ EZ IRAINDU. Ez da gauza bera animoak ematea eta irainak jaurtitzea: oso ongi dago nire taldeari animoak ematea, baina ez ditut iraindu behar beste taldeak, ez epaile lanetan ari den pertsona ere.
  • NIRE FAMILIAK EREDU IZAN BEHAR DU. Nire familiak kiroltasunezko jarrera eta jokabidea erakutsi behar du: niri animoak ematea nahi dut, baina gainerako erronkari, kapitain eta epaileei begirunea agertzea ere bai.
  • GALTZEN BAI, BAINA BAITA IRABAZTEN ERE JAKIN BEHAR DUT. Irabazten eta galtzen jakin behar da, talde irabazleei zorionak emanez eta isekarik ez eginez nire taldeak irabazten badu.
  • NIRE GOIBURUA “JOKO GARBIA” DA. Erronkan oso garrantzitsua da errespetua, ahalegina eta tolerantzia: gure goiburuak “garbi jokatzea” izan behar du.

 

4.FROGA - OZTOPO LASTERKETA

DESKRIBAPENA

Taldeka egingo den lasterketa bat da. Talde guztiak puntu jakin batetik elkarrekin atera eta hainbat oztopo pasa ondoren, helmugara talde osoa iritsi beharko da.

Froga 4 txanpa edo txandetan egingo da.

Txanpa bakoitzean talde bakoitzeko 3 partaidek parte hartuko du. Hirukote bakoitza nola osatuko den taldeak berak erabakiko du.

Txanpa bakoitzean 12 taldeetako hirukoteek parte hartuko dute, 36 partaide osotara, beraz.

Irteera txanpa horretako partehartzaile guztiek batera egingo dute.

Helmugan ezkil bat egongo da eta talde bakoitzeko azkeneko partehartzaileak iristerakoan jo beharko du.

Oztopoak

Proban zehar zeharkatu beharreko oztopoak hauek dira:

  • ARRASTAKAN.
  • AZPITIK-GAINETIK.
  • ARMIARMA SAREA.
  • FARDOAK.
  • OREKA.
  • PARETA.
  • OLATUAK.

Honen bukaeran, helmuga markatuko duen ezkila egongo da.

Ibilbide osoa zintaz mugatuta egongo da, eta ezin izango da zintaren kanpoaldera pasa.

 

 

ARAUDIA

Proban zehar bete beharreko arauak daude. Ez badira betetzen, penalizazioak ezarriko dira. Epaileak arduratuko dira arauak betetzeaz eta beraien esku egongo da penalizazioak aplikatzea.

ARAUA       PENALIZAZIOA      
Ibilbidearen eremutik ateratzea Talde osoa probako irteerara bueltatuko da.
Oztopoa behar den bezala ez egitea Partaidea oztopoaren hasierara joango da.
Beste talde bati traba egitea Talde osoa oztopoaren hasierara bueltatuko da.
2 aldiz talde bati traba egitea Talde osoa proba hasierara joango da.
3 aldiz talde bati traba egitea Talde osoa kanporatuko da.
Epaileen aginduei kasurik ez Talde osoa kanporatuko da.
Talde osoa ez iristea Taldeak ez du puntuaziorik lortuko.
Talde bat irteeran abisua baino lehen irtetea Irteera errepikatu.
Azken taldekideak ezkila ez jotzea Froga baliogabetuko da.
Ezkila denboraz kanpo jotzea Ez da puntuaziorik jasoko.

 

PUNTAKETA

Txanpa bakoitzean, iritsi ahala eta ordenaren arabera, 78 puntu banatuko dira: Lehenengo taldeak 12 punto, bigarrenak 11, hirugarrenak 10, laugarrenak 9,… eta horrela urrenez urren azken taldeak puntu bat jaso arte. Beraz, proba osoan zehar 78x4=312 puntu banatuko dira osotara.

Taldeak 4 txanpetan lortutako puntuen batuketa egingo da.

Txanpa talde guztiak, hau da, 12 taldeak helmugara iristerakoan bukatuko da, edo x minutuko denbora amaitzen denean.

ERRONKA JOKU GARBIA!

  • ERRONKA AISIA DA. Ongi pasatzeko parte hartzen dut Erronkan, nire aisialdiaren parte da eta irabaztea ez da garrantzitsuena: lehian arituko naiz baina azken helburua ongi pasatzea eta pertsona gisa haztea da.
  • DENAK GARA GARRANTZITSUAK. Erronkan ari garenean, pertsona guztiak gara besteak bezain garrantzitsuak: nire taldeko kideak, gainerako taldeak, gure kapitainak, epailea eta gainerakoak: horiek guztiak ez baleude, ez nuke parte hartzeko aukerarik izanen, eta beraz, denak dira nire lagunak.
  • ARAUAK BETE EGIN BEHAR DIRA. Araudia ezagutu eta bete egin behar da, errespetatu egin behar dut jokoaz gozatzeko, tranparik egin gabe: den-denok bete behar dugu araudia.
  • KAPITAINAK ERRESPETATU BEHAR DITUT. Nire kapitainak errespetatu behar ditut, niregatik kezkatzen direlako eta niretzat onena nahi dutelako.
  • BESTE TALDEKIDEAK ERRESPETATU BEHAR DITUT. Beste taldekideak errespetatu behar ditut eta ni tratatzea gustatuko litzaidakeen moduan tratatu: errespetuz.
  • EPAILEAREN IRUDIA ERRESPETATU BEHAR DUT. Epailearen irudia errespetatu behar dut: epailerik gabe ezingo genuke Erronka burutu, eta bera arduratzen da joko garbia egiteaz eta araudia betetzeaz.
  • ANIMOAK EMAN DITZAKET, INOIZ EZ IRAINDU. Ez da gauza bera animoak ematea eta irainak jaurtitzea: oso ongi dago nire taldeari animoak ematea, baina ez ditut iraindu behar beste taldeak, ez epaile lanetan ari den pertsona ere.
  • NIRE FAMILIAK EREDU IZAN BEHAR DU. Nire familiak kiroltasunezko jarrera eta jokabidea erakutsi behar du: niri animoak ematea nahi dut, baina gainerako erronkari, kapitain eta epaileei begirunea agertzea ere bai.
  • GALTZEN BAI, BAINA BAITA IRABAZTEN ERE JAKIN BEHAR DUT. Irabazten eta galtzen jakin behar da, talde irabazleei zorionak emanez eta isekarik ez eginez nire taldeak irabazten badu.
  • NIRE GOIBURUA “JOKO GARBIA” DA. Erronkan oso garrantzitsua da errespetua, ahalegina eta tolerantzia: gure goiburuak “garbi jokatzea” izan behar du.