AE 2017: Probak

ERRONKA 2017

 

IZENA:  EUSKAL JOKO ETA JOLASAK

GUNEA

1. Gunea:

Egin beharrekoaren azalpen zehatza

Proba hau talde bakoitzak bere kasa egin beharko du. Lau atal izango ditu eta ordena hauetan egin beharko da.

A taldeak: 1,2,3,4. Eta B taldeak: 1,3,2,4.

 

  • 1.- JENDE PROBA (2 neska eta 2 mutil)

 

Lehenengo proba hau bi taldeek batera egingo dute. Talde bakoitzeko 2 neska eta 2 mutilek hartuko dute parte. Bi tiralarik ibilbide bat egin beharko dute zama gisa taldekide bat eramanez. Denek zama eta tiratze lanak egin beharko dituzte:

 

  • 2.- LASTO ALTXATZEA (bi neska-mutil bikote)

 

Neska-mutil bikote batek lasto-zama 5 aldiz altxa beharko du. Amaitzean, beste neska-mutil bikoteak, beste 5

aldiz.

 

  • 3.- MAHATS BILKETA ETA ZAPALKETA (neska-mutil bikotea + neska-mutil bikotea)

 

Neska-mutil bikote batek, lokots-bilketa eran jarrita egongo diren urez erdi beteriko puxikak bildu beharko ditu, elkarren

artean eta bizkarrean, eskuak loturik dituztela. Bildutako puxikak igerileku txiki batean utzi beharko dituzte, apurtu gabe. Amaitutakoan, beste bikoteak, begiak estalirik, igerileku barrura sartu eta puxikak ahal bezala zapalduz, guztiak apurtu beharko ditu.

 

  • 4.- EGUR-BILKETA (Denak)

 

Banan-banan sakabanaturik egongo diren egurrak jaso eta estruktura lauki bat egin beharko dute. Bukatzean taldekide bat estruktura gainera igo beharko da eta gainontzekoek jende-korapilo bat egin beharko dute, begiak itxita elkarri eskuak emanez. Korapiloa egindakoan, begiak zabaldu eta korapiloa askatu beharko dute, eskuak askatu gabe eta estruktura gainean dagoen kidea erori baino lehen.

 

IZENA: BASTIDAN KANTA ETA DANTZA

GUNEA

3. Gunea:

Egin beharrekoaren azalpen zehatza

Proba hau bi taldeek lankidetzan egin beharko dute. Hiru atal izango ditu eta ordena honetan egin beharko dira. Atal bakoitza bukatutakoan sari bana jasoko dute: kanta ezagun baten hitzen puska bana eta koreografia fitxa bana.

 

  • SAGAR BANKUA (Denak)

 

Txortenetik eskegita dauden sagarretan txanponak egongo dira. Neska-mutil bikote konbinatuak (bi taldeetakoak) eta eskuak elkarren artean, bizkarrean, lotuta, sagarretatik bi txanpon atera beharko dituzte.

 

Bukatzen dutenean, talde erdia, mixtoa eta konbinatua, SLICKLINE frogara joango dira, eta beste erdia WOW IGERILEKUAN frogara.

 

  • SLACKLINE

 

Partaide guztiek Slackline-etik pasa beharko dute. Haien buru gainean, eskuekin heltzeko soka bat izango dute, laguntzeko.

 

  • WOW IGERILEKUAN

 

Partaideek neska-mutil bikote konbinatuak osatu eta eskuak, bizkarrean eta elkarren artean lotu beharko dituzte. Erreleboka, igerilekuan sartu eta han, eskuekin pin-pon pilotak hartuko dituzte (txanda bakoitzean soilik pilota bat hartu ahal dute). Pilota bakoitzak hizki bat izango du eta, denen artean, ‘Araba Euskaraz 2017 Bastidan WOW’ hitzak osatu beharko dituzte.

 

  • KANTA ETA DANTZA (Denak)

 

Proba bakoitzean jasotako kanta puskak hartu eta eszenatoki gainera igo beharko dute. Han, talde erdiak, egokitu zaien kanta abestu eta beste erdiak, dantzatu egin beharko dute jasotako koreografia fitxak jarraituz.

 

IZENA: IRRISTAGRAFITIA

GUNEA

1. Gunea:

Egin beharrekoaren azalpen zehatza

Proba hau bi taldeek lankidetzan egin beharko dute.

 

Den-denak Hasiera-eremuan jarriko dira eta ondoan izango duten Baso-eremuaren mapa izango dute. Baso-eremu horretan, zuhaitzetatik eskegita, 6 txartel egongo dira, + 2m.-ko alturan. Txartel hauek zenbakiekin markaturik egongo dira, 1etik 6ra, eta mapan, txartel horien zenbakiak lekututa egongo dira.

 

Neska-mutil laukote konbinatuak antolatu eta, txandaka, eremu berdera sartu beharko dute eta txartel bana ekarri. Horretarako, lehenbizi, oihal irristakor batetik aldapa behera jaitsiko dira. Han, kupel bat bultzatu beharko dute aukeratu duten txartela dagoen lekuraino, kupelera igo eta txartela jaso. Ondoren, aldapan gora irten eta hurrengo laukoteari txanda pasa. Horrela, 6 txartelak jaso arte.

 

Amaitutakoan, ikastolara sartu eta grafitien arduradunari 6 txartelak aurkeztu beharko dizkiote. Orduan, bere instrukzioak jarraitu eta ikastola grafitiz apainduko dute.

 

 

 

 

 

 

IZENA:  POSTARI TODOTERRENOA

GUNEA

2. Gunea:

Egin beharrekoaren azalpen zehatza

                                               

Proba hau talde bakoitzak bere kasa egin beharko du.

 

Hasteko, lasto-fardoz egindako labirinto bat. Neska-mutil bikote bat, orkatiletatik lotuta eta ipurdia lurrean, bertan sartu beharko da. Labirinto kanpoan, mugatutako eremu batetik, beste neska-mutil bikote batek plano batean markatutako 4 puntura gidatu beharko ditu barruko kideak, eta ondoren, irteerara. 4 puntuetara iritsi beharko dute, izan ere, bertan, taldearen koloreko gutun-azal bana jaso beharko dute. Bi, trizikloaren irudiarekin eta beste bi, hanka-paloen irudiarekin. Denak jasotakoan, gutun-azalak triziklodun eta hanka-palodun kideei eraman beharko dizkiete.

 

Beste neska-mutil bikote batek, trizikloetan igota, markatutako ibilbidetik eraman beharko ditu bere gutun-azalak.

 

Beste neska-mutil bikote batek, hanka-paloetan igota, markatutako ibilbidetik eraman beharko ditu bere gutun-azalak.

 

Azkenik, triziklo eta hanka-paloen ibilbideen amaieran beste neska-mutil bikote bat izango da zain, kanabera batekin. Jasoko dituzten gutun-azaletako bat ireki beharko dute eta bertan aurkituko duten zenbakia arrantzatu. Lortutakoan, beste bat. Horrela, laurak arrantzatu arte.

 

 

 

 

IZENA: ZALANTZA GORA-BEHERA

GUNEA

3.  Gunea:

Egin beharrekoaren azalpen zehatza

                                               

Proba hau talde bakoitzak bere kasa egin beharko du.

 

Hasteko, tirolinan botatzeko kide bat aukeratu beharko dute; rokodromoan gora igotzeko 4 neska eta 4 mutil; eta gainontzekoak, kaleko jendeari galderak egiteko. Tirolinan zein rokodromoan ibiliko diren kideek, antolatzaileen segurtasun aginduak zehatz eta mehatz jarraitu beharko dituzte, bestela proba ez lortutzat emango da eta bertan behera geldituko da.

 

Rokodromoak igotzeko 4 alde izango ditu, talde bakoitzarentzako bi. Hasiera emandakoan, lauretatik eskalatzen hasiko dira, gora iritsitakoan gutun-azal bana jaso eta rapelatuz jaitsiko dira. Behean, gutun-azalaren barruko galdera irakurri eta erantzun egokia asmatu beharko dute, horretarako inguruan duten edonori galde diezaiokete. Erantzun egokiak badituztela uste dutenean, rokodromoaren oinean dagoen arbelean idatzi beharko dituzte, argi eta garbi.

 

Rokodromoan gora eskalatu eta rapelatuz lurrera lehenengo iristen denak, tirolinako kideari erreleboa emango dio. Beraz, beste taldeko tirolinalariak, hark amaitu arte itxaron beharko du. Tirolina amaitutakoan ere gutun-azal bat jasoko dute baina honek balio bikoitza izango du.

 

Denbora agortutakoan, erantzun zuzenen gutun-azala irekiko dugu. Talde bakoitzak, gutxienez, 8 erantzun zuzen izan beharko ditu proba lortutzat emateko.

 

 

 

IZENA:  ESKIAN ETA SURFEAN BUSTI-BUSTI

GUNEA

2. Gunea:

Egin beharrekoaren azalpen zehatza

                                               

Proba hau bi taldeek lankidetzan egin beharko dute eta hiru atal izango ditu

 

Hasteko, neska-mutil laukote konbinatuetan antolaturik eta eskien gainean jarrita, ura ontzi batetik beste batera garraiatu beharko dute. Horretarako, laukote bakoitzak pitxar bat izango du. Bidean zenbait oztopo izango dute: aldapatxoak, mailatxoak, … Haiek erabakiko dute noiz duten nahikoa ur.

 

Orduan, surf egiteko, lurrean ahoz gora etzango dira, elkarren ondoan, hanka eta buru txandakatuz eta sorbaldek lerro zuzen bat osatuz. Surflarientzako itsasoa izango dira. Neska-mutil bikote bat aukeratuko dute lehen surflariak izan daitezen. Hauek, banan-banan, pitxarra bete beharko dute bigarren ontzitik eta, itsaso gainean etzanda (lurreko kideek besoak luzatu eta airean eramanez), alde batetik bestera pasa beharko dira erori gabe. Amaitzean, pitxarrean geratzen zaien ura azken ontzian hustu beharko dute. Surflari batek pitxarra husten duenean ala bidean erortzen denean, orduan irtengo da bigarrena. Neska-mutil bikote batek amaitutakoan, beste bikote bat aukeratuko dute.

 

Nahi adina aldiz egin dezakete eskian zein surfean eta, azken ontzia opakua izango denez, amaitu arte ez dute jakingo proba lortu duten ala ez.